Aprè Etazini ak Kanada fin ofisyèlman sanksyone Youri Latortue ak Joseph Lambert, pou zafè dwòg ak kòkòday ak Gang kap ravaje peyi a; gen plizyè lòt gwo politisyen ki pran nan kouri aktyèlman la a.
Pou nou pa bliye sa Youri Latortue se ansyen Militè, Ansyen Senatè, Ansyen prezidan Sena a epi Prezidan pati politik Ayiti An Aksyon; Joseph Lambert se ansyen depite, senatè, aktyèl Prezidan Sena peyi a.
Nan moman nap pale a Kanada lage tout longè dèyè Hervé Fourcand ak Rony Celestin, 2 ansyen Senatè epi Gary Bodeau ki se ansyen prezidan chanm depite a. Mesye yo pran nan cho.
Daprè Kanada, mesye sa yo se mèt yo ye nan zafè machann dwòg ak blanchi lajan. Kanada fè konnen li bloke tout byen yo genyen. Anpil mache prese nan moman an la a.
Mache prese sa a nan tèt anpil Politisyen, Senatè, Depite ak Minis ansyen oubyen nouvo. Dayè 2 Minis gouvènman Ariel la gentan sanksyone. Nap pale de Ansyen Minis enteryè Listz Quitel ke premye Minis la ranplase a, ak Berto Dorcé ansyen Minis jistis ke Minis Kilti a ranplase.
BwaKale. BwaMare. Anpil te vèvenn ap bwè tou cho.
