Lapolis pran Varreux. Se yon bon nouvèl. Varreux se youn nan zòn ki gen pi gwo rezèvwa gaz peyi a. Pandan preske 2 mwa BBQ chèf G9 te bloke li sou non pèp, aprè gouvènman an te fin monte gaz la, 2 fwa lavalè aprè li deja monte li avan plis pase 2 fwa lavalè. Donk li sanble 4 fwa lavalè nan yon lane, men se preske 12 fwa li ye, se sak te plis ke double avan an, ki vin double apre.
Sa fè yon semèn depi BBQ te di li bay baryè lib. Kidonk lapolis pran Varreux. Kèk kout zam tire. Men pat gen repons. Baryè te lib lontan. Bandi plen katouch. Men bandi pa gaspiye bal. Sa pa anpeche kèk viktim kolateral fèt.
Nouvèl la kounye a, sa moun yo tap chache a yo jwenn li. Negosyasyon ap avanse. Sa k pa kontan, yo asosye w ak Gang, paske se vre ou paske sa posib ou paske sa alamòd. Finalman ta sipoze pral gen gaz wi. Men nan pri gouvènman an. Pèp la sal kò li nèt.
Ti mari monte, ti mari pa desann. Zobop zobop. Pèp la pran nan Zobop.
Lisez aussi : Youri Latortue et Joseph Lambert sanctionnés par les États-Unis et le Canada
