Guylande Mesadieu, Prezidant Konsey Elektoral pwovizwa, toujou gen menm bakòp sosyete sivil la e menm plis.
Aprè yon manm nan sektè Dwa moun nan te pase tan li ap voye toya, pale koze kremol sou Guylande Mesadieu, ki se prezidant Konsèy Elektoral Pwovizwa a (KEP), Komite Ekzekitif Sant Nòdès pou Defann Dwa Moun, ki gen sig an fransè CENEDDH, renouvle konfyans li ak apwi 14 òganizasyon dwa moun nan Nodès pou madan Mesadieu.
Aprè yo te fin reyini 6 me 2021 an nan Fòlibète, yo deside enfòme gran piblik la an Jeneral ak tout moun sa ta konsène an patikilye. Yo fè konnen ke nòt kap sikile sou rezo sosyo ak nan laprès kap pale Guylande mal la « se yon nòt inilateral » kidonk li konsène grenn moun ki fèl la. Konsa « li pa angaje tout moun ki nan sektè a » jan akizatè a te vle fè kwèl.
Nan sans sa « nou renouvle konfyans nou bay Madanm Guylande Mesadieu pou li kontinye reprezante Sektè a valableman anndan machin elektoral la ». Sa se presisyon Louis Narces fè, li menm ki se Kwòdonatè CENEDDH, nan yon kominike pou laprès.
LI ATIK SA A: Sécurité du référendum et des élections, 3 experts internationaux prévus en Haïti
